尋日大坪坑同靈白中之旅真係好正
大坪坑 - 就算要由大澳行成個鐘有多先可以到澗口都好值得。成條澗出奇地無乜"潺"，水質超超正。有亞成帶路正攀一線瀑同之後嘅一塊壁，好有滿足感
到澗末高瀑，只有亞祥嘗試去挑戰，其餘人就由瀑左壁上攀，因為手腳位充足又冇乜碎石，所以冇乜險嘅感覺，好好玩
。
末段衰人因為被滾落嘅石頭撞傷咗上五吋下五吋，忍住痛玩完大坪坑就同連續廿八個鐘冇瞓過嘅Leo先走，餘下的就繼續去玩靈白中澗。
因為靈白中入澗同出澗都有大路同引水道連接，無需殺林，所以唔辛苦
只係中途要下降三條高瀑，瀑邊山路位好少、好陡，加上有大量碎石，我覺得就係尋日全程最險嘅位
之後嘅開揚大石坡好好正
P.S. (1) 希望衰人你隻腳快D好番，再一齊落澗，實驗你要實驗嘅物品
(2) 亞祥話我行咗差唔多五十係澗都仲咁"tun"雞，耍再操多五十條，聽完真係有D唔開心
𣎴過之後佢有分享番一D佢嘅心得，
我會好好記住，希望可以張勤補拙。我唔要做澗隊嘅袍袱
