尋日嘅行程真係好精彩
小冷水右澗嘅入澗位就要正面爬上一個小流瀑，雖然小但係如果冇留祥用條彩帶比我當手位，我就真係上唔倒去。繼上個禮拜响一條龍初試流瀑正攀，又一次好玩嘅經驗
眼見亞寶游過深潭然後爬上流瀑位，多簫洒，實在令我羨慕
過咗lay個難位之後，原來小冷右係一條濶澗，比起小冷水主源真係靚得多。但要自己再去就有難度
其實玩完小冷右之後已經五點有多，但係大家依然興志勃勃要玩埋望后溪，五點半多去到澗口，雖然巳覺晏但當時未有攰嘅感覺，加上個澗口好濶同開揚，就已經被吸引住，好似條澗同我講：玩埋我至走啦！最後大概七點離澗。
尋日嘅行程亦有驚險 -
之後果段落山路就好金啦
一來已經攰，加上要摸黑，全靠雙腳嘅感覺向前行，條路勁斜又勁跣，唯有座低個人拉住側邊D草跟住Roland慢慢落。最驚險有個位，隻左腳探落去，踩唔倒路，好彩即時猛咁拉住側邊D草，如果唔係實唔知跌咗落去邊
真係要感謝主。
最後八點十分左右大家落到山景邨車路，開開心心咁完成半日行程。回家後大清洗時，真係有種 - 萬般帶𣎴走唯有"沙"隨身 - 嘅感覺。真係好多沙
