尚有:-
1.
紅石門至三椏村 (值得一遊);
2.
船灣內綑. 此路線能重訪以前湖畔六村的遺址.
(extracted from www.hiking.hk-
涌尾起步.涌尾斷橋,綑走泥塘角,橫嶺頭,橫嶺背,金竹排,大滘,小滘,M找淹沒廢村遺跡.覓路接回環湖路線(即係鵝髻頂山坡下),主壩賦歸.
難度: 四星 (全長約二十公里, 需 7-10小時)
偏僻度: 六星
一般人玩淡水湖環走, 都會在山脊上行走, 但有否想過在水塘邊環走? 感覺是另有一番風味, 船灣淡水湖, 原先是一海峽, 沿岸有幾條小村落, 因建水塘, 而被淹沒於水底下, 但每逢雨水少的春天, 廢村便會重現人間。 要環湖尋找歷史遺跡, 亦要選擇依個時候去。
環湖起點, 在涌尾的車路入, 過橫涌澗口, 接郊遊徑轉右過澗, 就可到達第一個廢村-涌尾村, 沿岸可見到清晰村路, 沿路經過涌尾村的廢田, 直至前方是一個個45度鬆石沙坡阻路, 要綑過簡直是妄想, 其實, 在最後一幅廢田前的交叉位, 是有路轉左上山, 接回一大路去泥塘角, 此路暢通無阻, 樹木多被鋸去, 應是漁護處新近傑作。 沿此開通小路, 遇有分叉路請不要錯轉, 便可直達泥塘角。
沿泥塘角廢田前行, 不久再遇沙坡阻路, 應入澗上溯少許 , 便可尋回過澗的橫腰路, 繞至橫嶺頭。
在橫嶺頭, 除會搵到殘留村路, 及一間間已成碎石的村屋, 有緣的話, 你會搵到一塊刻有1956的石碑。
沿岸行至山咀, 轉左覓路入林, 望住兩山中間的坳位, 沿舊有古道上行, 到坳位最高處, 你會發現一塊"橫嶺頭李家村" 的路碑立於路中, 沿路落番山, 應沿路轉向左邊, 便可落到橫嶺背。
到達橫嶺背, 前行一段廢田後, 再被泥坡所阻, 過泥沼後入林, 沿澗入一段後接山路, 繞過幾個泥坡後出番湖邊, 就到達金竹排, 到此, 不用再接山路, 可全沿廢田行至小滘, 全程可少於一小時。 在全竹排可搵到好多遺跡, 大滘的枯樹林, 可比美四姑娘山的枯樹灘。
大、小滘被山長山咀所分, 中間坳位道路已打通, 不用出山咀, 到小滘村前有一小咀, 可接山路避過, 小滘村前行, 沿岸過兩個凹位, 遇一小段極鬆散泥坡, 應先下降至近水邊位置, 小心翼翼地扶泥橫過, 到一個較大凹位, 有兩條坑分左右, 應取右邊的坑上溯, 至澗道開始平緩, 揀左邊較開揚位置殺上山, 不久就可接回環湖山路。
Bye
