越野雄心討論區 - Powered by Discuz! Board

標題: 3/4 純陽南脊 + 馬騮崖 [打印本頁]

作者: 藍熊 時間: 2007-4-3 11:27 PM 標題: 3/4 純陽南脊 + 馬騮崖

趁住今日放假同euld再加另一位朋友三支公齊齊探訪八仙嶺, 當然我地上上落落多數唔搵正路, 專揀有警告牌棟向度既騎呢路玩. 今日雖然路面濕滑, 不過照樣出發由純陽南脊上八仙嶺過仙姑峰, 今日大概九點半左右入到山寮, 沿山寮路行幾分鐘到見到警告牌就係今日既起點 - 純陽南脊.

起初見到個入口直到無倫真係有少少嚇親, 但行一陣後坡度冇咁厲害, 沿途正如香港行山網既朋友講頗多浮沙碎石, 再加上路面濕滑的確幾跣, 行走時步步為營唔敢太急(雖然我果時趕時間), 沿途都有絲帶引路唔會走錯, 條路下段及中段大概三四十度斜, 但有少數大石位間中要手足並用, 最吃力係上段, 條路去到五六十度斜, 行冇幾步就撻皮, 我就向果時比灌木割損手, 我朋友就比石頭擦傷菠蘿蓋, 到純陽峰後小休一會後再慢慢行到仙姑峰, 依家行八仙嶺對我地講真係食菜咁食, 不消半小時即到仙姑峰, 去到仙姑峰仲撞到另一班行山隊, 同佢地傾一陣閒計就各散東西.

之後沿警告牌後面山路落馬騮崖, 由於馬騮崖我之前行過兩次, 其中一次仲要單挑, 所以今次落山覺得冇乜大不了, 再加上另外兩人又係資深人士, 所以全程好順利, 入林果時我仲無情情食到蜘蛛絲, 仲有人問我d蜘蛛絲有冇味, 認真爆笑, 之後好快出番自然教育徑第三站再行番出去大尾篤搭車散水. 今次行程大概用左兩小時, 唔算太耐, 本來想行遠d架, 但因為我要出上環搵明星, 所以最後一齊走人.

純陽南脊果度d警告牌認真奇怪, 山寮路果個寫住「前面的山徑艱險難行, 隱敝或季節性雜草叢生, 為閣下安全著想, 請勿前進」但純陽峰上面就「此段路艱險難行只宜有經驗及裝備良好的人士前往天氣惡劣時切勿嘗試請加倍小心」不過無論如何棟得警告牌都知係牙煙路, 一律照玩. 呢d警告牌字句我真係背晒出黎都得

我就聽日先post相, 因為d相未執晒住.

作者: 留長 時間: 2007-4-4 12:00 AM

純陽到仙姑唔使半粒鐘...你跑架...:@

聽日都唔見相我就delet你個post...

作者: 溢 時間: 2007-4-4 12:39 AM

好多字...

我要睇相

作者: 肥Pe 時間: 2007-4-4 07:29 AM

E+ 八仙嶺有曬石級！以前係乜都冇既窄窄山路！好難行 ga.
同樣馬騮崖以前係乜都冇，真係冇路，仲要慢揾路，馬騮崖旁bin 有路，正攀吧！所以險 + 難行 !!!@@

作者: euld 時間: 2007-4-4 11:54 AM

呵呵, 藍熊你快d出相啦!
你唔出, 我幫你出架喇!:)

作者: 藍熊 時間: 2007-4-4 10:42 PM

馬騮崖我post之前第一次去果堆相喇, 因為琴日冇影馬騮崖

[ 本帖最後由藍熊於 2007-4-4 10:45 PM 編輯 ]

作者: 藍熊 時間: 2007-4-4 11:10 PM

純陽南脊沿途, 條路幾頂癮, 雖然落雨跣到嘔茄(但唔及馬尾), 但又有另一番味道.

作者: 藍熊 時間: 2007-4-4 11:13 PM

大家認為個牌係人掘出黎定係大風打lum? 但我可以講若大風打lum的話後面塊金屬牌一定係斜既.

作者: 藍熊 時間: 2007-4-4 11:24 PM

另外兩張落馬騮崖果陣既相(轉自香港討論區delpialan10), 唔知落崖時情況似唔似落象門果陣.

作者: 藍熊 時間: 2007-4-4 11:33 PM

引用:

原帖由 肥Pe 於 2007-4-4 07:29 AM 發表
E+ 八仙嶺有曬石級！以前係乜都冇既窄窄山路！好難行 ga.
同樣馬騮崖以前係乜都冇，真係冇路，仲要慢揾路，馬騮崖旁bin 有路，正攀吧！所以險 + 難行 !!!@@

今時唔同往日, 所以家下去行八仙嶺同行街冇分別, 好悶. 以前我姑姐行山個年代行八仙嶺就挑戰性大, 但往事只能回味, 我家下行八仙嶺專搵險脊行, 多數唔搵正路.

作者: 肥Pe 時間: 2007-4-5 11:35 PM

Hi,藍熊
落馬騮崖果陣既相唔似落象門果陣.落馬騮崖唔係好險. 落象門險D.
Bye
^^

作者: 藍熊 時間: 2007-4-6 11:25 PM 標題: 回復 #11 肥Pe 的帖子

唔該你肥Pe, 上落象門既等我挑戰完蚺蛇北脊, 靈象脊或石芽北脊等險脊先去試, 我要逐級慢慢上. 我行山主要係自訂難線多, 近來逐漸由難線轉至行走危脊隱徑.

歡迎光臨越野雄心討論區 (http://wildconqueror.com/forum3/)