哈哈 ^ ^ 番黎lu...
病咗成個星期，雖然都仲未好番晒，但點都要玩一玩澗 ^^.....今日呢條新塘坑都唔錯，因為仲係水沛，D布同D流水位都好靚呀...心情好D病都快好D... ^^
不過正當心情好好嘅時候，就發生咗件超驚險嘅事，而家諗起都仲有D驚 -
話說响大休之後去到一條布底，眼見不能正攀，Roland於是由布左一幅有塌荒過痕跡嘅泥坡上爬，上面仲幾棵樹同一D碎石。我當時就企响坡底不遠。老師當時其實已提醒咗我兩三次，叫我企開D，小心落石。但我卻當耳邊風，因為眼見果D有可能碌落黎嘅石唔會好大同好多(我以為)。點知Roland最終揾唔倒手位上唔到頂要爬番落黎，佢一踩先前上爬時踏過嘅一舊大石，果舊石就立即鬆脫碌落黎，我見住舊石跌落黎，但已經嚇到唔識郁，淨係識大叫"好驚呀!"。好彩舊石最後跌咗响我前面一呎左右，如果比佢擲中，就死梗 > <
我知道以後要聽提醒，真係唔可以自以為是
